Fjelltrimmen

2020

Aktivitetstilbod i Jondal

JIL Hjartestartar

Treningstider

jondalidrettslag.com -

Home

Resultat - 2020

Oppteljinga etter Fjelltrimmen 2020 er godt igong, resultatet vil verta publisert

så snart det er klart.

Treningssenteret

Slik ser det ut på treningssenteret no. Slik ser det ut på treningsrommet no.

Diverre tillet ikkje smittesituasjonen at treningssenteret vert opna med det fyrste. Før me opnar må det og takast ei avgjerd om driftsform - om drifta skal baserast på dugnad eller på tilsett personale. Årsmøtet i JIL har bestemt at Treningssenternemnda (Ingrid Guntveit, Sigrid Brattabø Handegard, Ida Sørheim, Jarle Jensen Toen) skal kalla medlemene inn til møte for å få deira syn på saka. Eit slikt møte er heller ikkje mogleg å gjennomføra med det fyrste.

JIL ser fram til at medlemene kan få ta i bruk det flotte treningssenteret, og me vonar at smittesituasjonen gjer det mogleg å starta opp på nyåret ein gong.

Fonnavegen til halv pris for medlemer

Fonnavegen

Det har vore til stor irritasjon at medlemene i JIL må betala bompengar for å koma opp til lagshuset på Storemyr, 50 kroner om vinteren og 100 kroner om sommaren. Styret har vendt seg til Ullensvang kommune med framlegg om at bommen vert flytta opp til Vassdalsvatnet, alternativt at bommen er kopla ut i vintersesongen. Til dette har kommunen sagt nei!

Som eit kompromisss har Ullensvang kommune gjeve medlemene i JIL høve til å kjøpa årskort til Fonnavegen for 500 kroner, altså halv pris. Rett etter nyttår sender JIL ei medlemsliste - altså alle som har betalt kontigent for 2020 - til Odda Parkering, som administrerer bompengane for Fonnavegen. Dei sjekkar at alle som kjøper årskort til halv pris er medlemer av JIL.

Dersom du er usikker på om du har betalt for 2020 send ein epost til kasserar Camilla Øvsthus Bergesen ( Denne e-postadressa er beskytta mot program som samlar e-postadresser. Du må aktivere javaskript for å kunne sjå den. ), så får du svar.

Julehelsing

Fotballgruppa ynskjer alle trenarar, spelarar og foreldre

ei riktig god jul og vel møtt til eit nytt og aktivt fotball-år 2021!!

kfum jul

Tur- og merkegruppa 2021

Espeland - Hattavarden - Espelandsgryting - Breisete

Vart ferdig merka somaren 2020. Det er god parkeringsplass på begge sider av turen.

Stien er godt merka.

Bilete frå Hattavarden

Kontingent-2020

Me treng deg og dine som medlemmer!

• Har du eller nokon i familien i 2020 har vore med i organisert trening i Jondal idrettslag?
• Set du pris på det arbeidet Jondal idrettslag gjer med preparering av Vassendeløypa, ljosløypa på Storemyr og løypa til Bossvatnet?
• Er du glad for å ha eit flott nettverk med godt merka og vedlikehaldne turstiar i Jondalsfjella?
• Eller er du blant dei som berre har eit stort hjarte for Jondal idrettslag?

Dette kostar det å vera medlem i Jondal IL kvart kalenderår:

Les meir: Kontingent-2020