Ny skiløype i fjellet innanfor Vassenden
I 2013 vart det starta opp med eit prosjekt som går ut på å få ei skiløype i området Vassenden - Djupadal - Fodnastøl. Initiativtakar til prosjektet har vore Sveinung Selsvik, og no i sommar/haust ser ein seg ferdig med fyrste steg i arbeidet.
Her er ei oppsummering frå Sveinung vedrørande status så langt i prosjektet:
* Denne helga har det og vore dugnad og det var siste dugnaden i løypa dette året.
* Det har vore ein fantastisk vilje til å få vera med på dugnad. Alle ser på dette som eit svært positivt tiltak.
* Har kome opp i ca 900 timar med dugnad og 43 personer har delteke.
* Reknar løypa for ferdig i denne omgang, men ser at det er nokre enkle tiltak som må gjerast til våren/sommaren.
* Heile løypa er fullfinansiert med spelemidlar (300.000), og til d.d har me litt til overs og skal
nytta dette til eit grindabygg m/utstyr ein plass undervegs i løypa
* Start på løypa vert som kartet viser i Djupadal. Skal no i haust inngå avtaler om bruk og brøyting av Vassendevegen opp til startpunktet
* Løypa er ca 4m brei og er då tenkt preparert med ei smal løypemaskin.
Sveinung seier også at Vassendeløypa og Fodnastølsløypa vert ei samanhengande løype og er tenkt oppkjørt til kvar helg + jul- vinter- og påskeferie, totallengd vert då ca 11km ein veg. Tilførselvegane vert Vassendevegen til Djupadal og skogsbilvegen til Bjønndalane.
Her er ein artikkel som har stått i Herand Bygdeblad tidligare vedrørande prosjektet:
Her er to oversiktskart:
Vassendløypa Fodnastølsløypa
Her er ein del bilete frå dugnadsgjengen som har vore i aktivitet:
Tysdag 9. september er det innkalle til ekstraordinært årsmøte vedrørande kjøp av trakkemaskin til løypetraseen.
