Skigruppa i Jondal Idrettslag står for eit populært innslag i idrettslaget med ein sesong som normalt strekkjer seg frå januar til mars. Då blir det arrangert ljosløyperenn, lagsmeisterskap og Olastølsrennet. Alle arrangement går normalt føre seg i ljosløypa på Storemyr nær Vassdalsvatnet i Øvre Krossdalen, men dersom det ikkje er gode nok tilhøve der så kan arrangementa bli flytta til meir eigna område, ex. Espeland eller Øvre Krossdalen. Dette blir i tilfelle annonsert ved oppslag og/eller på heimesida til idrettslaget.